خليني اعترفلك
واليحب مجبور
اضيعـن بيك اريد ولا تدليني
شـفتك بالكلب
ما شفتك آنه بعين
لأن طبعك شمس ما تحملك عيني
ما تكدر تعوفوك
موتتني الروح
واذا اردهـا عله دربك هم تمشيني
تسودن كلشي بيه
وظل يسولف بيك
وآنـه وياك اظل عاشك سواديني
مدري شلون اشوفك
وانت جوه الروح
واكل لروحي يمك خل توديني
نص دين البشر
لو رادوا يكملـون
وآنــه الكملـت ويآك كـل ديني
تداوي الروح بيدك
بيدي أمرض الروح
حته النوب ترجع هم تداويني
يم العين اشوفك
وانت ما موجود
احسك تمشي دم بنص شراييني
واشوفك انت آنه
وآنه انت تصير
واذا اشتاك الك اصفـن وأحاجيني
ليست هناك تعليقات :
إرسال تعليق